Artificial Intelligence(ભાગ-25)

 

 

ચાઇનાએ AI ની મદદ વડે ડિફેન્સ વિભાગમાં એક એવો કારનામો કરી બતાવ્યો છે જેણે ઘણા દેશોની ઊંઘ હરામ કરી નાખી છે. આ કારનામો તેણે રડાર ઉપર કર્યો છે. સામાન્યપણે રડાર જામિંગના શિકાર થઇ જાય છે. દુશ્મનના ગેરમાર્ગે દોરનારા સિગ્નલ રડારનું ધ્યાન વિચલિત કરી નાંખે છે અને તે ટાર્ગેટને ખોઇ બેસે છે પરંતુ ચાઇનાના AI રડારે હાલમાં જ સાબિત કર્યું કે, આ કમજોરી હવે દૂર થઇ શકે છે.

-

સામાન્ય રડાર જેઓ લગભગ જામિંગ દરમિયાન કેવળ 25% જેટલા જ દુશ્મનના ટાર્ગેટ સમય ઉપર ધ્યાન કેન્દ્રિત કરી શકતા હતા, ત્યાં સામે છેડે AI રડારે લગભગ 99% ના દર સુધીના વધુ ટાર્ગેટને સતત ટ્રેક કરી દેખાડ્યો. આ કોઇ જેવી તેવી વાત નથી. જેમાં રડાર ન કેવળ આસપાસના વાતાવરણને સમજે છે બલ્કે પોતે શીખી તેની જ્ઞાનાત્મક પ્રવૃત્તિ પળેપળે બદલે છે(સમાચારની લિંક નીચે મૌજૂદ છે).

 

https://aerospaceglobalnews.com/news/china-ai-radar-electronic-warfare/

 

જામિંગ દરમિયાન જેવો દુશ્મન કોઇક વિશેષ frequency ને બ્લોક કરે છે, તે સમય દરમિયાન AI રડાર પોતાની frequency ને બદલી નાંખે છે જ્યાંથી ટાર્ગેટને સ્પષ્ટ જોઇ શકાય છે. આ બધું જ કોઇપણ જાતના માનવીય હસ્તક્ષેપ વગર થાય છે. વિશેષજ્ઞો અનુસાર આ શોધ કેવળ રડાર સુધી સિમિત ન રહી ભવિષ્યના યુધ્ધના ધારાધોરણો બદલી નાંખશે. આ સમગ્ર પ્રોજેક્ટ China Electronics Technology Group Corporation(CETC) માં તૈયાર કરાયો છે. આ શોધે સાબિત કર્યુ કે, આવનારો સમય કેવળ તાકાત ઉપર નહીં પરંતુ બુદ્ધિમત્તા ઉપર ચાલશે.