.jpg)
એક ઢીંગલી જેવી દેખાતી અને છઠ્ઠા ધોરણમાં અભ્યાસ કરતી 'ફલક'ના માસી લંડનથી તેના ઘરે પધાર્યા. ફલકને જલસો પડી ગયો કેમકે રોજ નવીન ચોકલેટો તેને ખાવા મળતી. ઘરે સંબંધીઓની અવરજવર પણ વધી ગઇ. પરંતુ!! આ સમય દરમિયાન ફલકને એક શબ્દ વારંવાર લોકો તરફથી સાંભળવા મળ્યો કે.....યુ.કે.(U.K.) ની ચોકલેટો લાજવાબ હોય છે. ફલકે મૂંઝાઇને માસીને પૂછ્યું કે, તમે તો લંડન રહો છો અને લંડન તો ઇંગ્લેન્ડની રાજધાની છે, તો પછી આ યુ.કે. શું છે?
-
માસી એ ફલકના માથા ઉપર પ્રેમથી હાથ ફેરવતા કહ્યું, આવ બેટા તને સમજાવું.....ઘણા માને છે કે દુબઇની જેમ લંડન પણ પોતે એક દેશ છે પરંતુ આ સાચું નથી. હકિકતે લંડન ઇંગ્લેન્ડની રાજધાની હોવાની સાથે અન્ય ચાર દેશની પણ રાજધાની છે. હેં!!!! ફલક બોલી ઉઠી, આવું કઇરીતે? જો બેટા....કેટલાક લોકોને ઇંગ્લેન્ડ, યુનાઇટેડ કિંગડમ અને ગ્રેટ બ્રિટન વિશે પણ મૂંઝવણ રહે છે. દરઅસલ ગ્રેટ બ્રિટન એ ત્રણ દેશોનો સમૂહ છે જેની રાજધાની લંડન છે. આ ત્રણ દેશો છે: (1) ઇંગ્લેન્ડ (2) સ્કોટલેન્ડ (3) વેલ્સ.
-
હવે જ્યારે આપણે ઉત્તરીય આયર્લેન્ડનો પણ આ ત્રણ દેશોમાં સમાવેશ કરી દઇએ ત્યારે તે ચાર દેશનો સમૂહ યુનાઇટેડ કિંગડમ(યુ.કે.) બની જાય છે(જો ઉપરનું ચિત્ર). (1) ઇંગ્લેન્ડ (2) સ્કોટલેન્ડ (3) વેલ્સ (4) ઉત્તરીય આયર્લેન્ડ. આ ચારેયને સામૂહિક રીતે એક દેશ માનવામાં આવે છે, જેની રાજધાની લંડન છે અને હા આ ચારેય દેશોની પાછી પોતાની અલગ રાજધાની પણ છે. સ્કોટલેન્ડની રાજધાની એડિનબર્ગ, વેલ્સની કાર્ડિફ, ઉત્તરી આયર્લેન્ડની બેલફાસ્ટ અને ઇંગ્લેન્ડની લંડન છે. અરે,,એક ચોખવટ કરવાનું તો હું ભૂલી જ ગઇ. ઉત્તરીય આયર્લેન્ડ એ સમગ્ર આયર્લેન્ડ દેશનો કેટલોક ભાગ જ છે. સમગ્ર આયર્લેન્ડ દેશની રાજધાની પાછી ડબલિન છે.
-
વધુમાં, ઈંગ્લેન્ડ, વેલ્સ અને ઉત્તરી આયર્લેન્ડ તેમના સત્તાવાર ચલણ તરીકે "પાઉન્ડ" નો ઉપયોગ કરે છે જ્યારે સ્કોટલેન્ડ "પાઉન્ડ સ્ટર્લિંગ" નો ઉપયોગ કરે છે. પાઉન્ડ અને પાઉન્ડ સ્ટર્લિંગ બંનેનું મૂલ્ય સમાન છે પરંતુ તેમની છાપણી અલગ હોય છે. ઠીક, હવે મને સઘળી વાત સમજાઇ કહીને ફલક પોતાની માસીને પ્રેમથી ભેટી પડી.
